"Реал" футболчисига АПЛнинг учта клуби қизиқмоқда

Мадриднинг "Реал" клуби дарвозабони Андрей Лунин Англия Премьер-лигасининг бир қатор клублари қизиқишлари доирасида.

TEAMtalk хабарига кўра, дарвозабон хизматига "Тоттенхэм", "Брайтон" ва "Ньюкасл" клублари қизиқиш билдирмоқда. Аммо уларга футболчини қўлга киритиш осон бўлмайди, чунки Луниннинг "Реал" билан меҳнат шартномаси 2030 йилгача мўлжалланган. "Қаймоқранглилар" ўз футболчиси учун қанча пул сўраши ҳозирча номаълум.

Лунин "Реал" сафида 2018 йилдан буён тўп суриб келмоқда. Жорий мавсумда у фақат иккита учрашувда майдонга тушди ва бешта гол ўтказиб юборди.

Transfermarkt маълумотларига кўра, Луниннинг нархи 15 миллион еврога тенг.