“Реал” бир юлдуз бўйича музокара бошлади
- 8-май 2021, 13:13
- Zohir Toshxo’jayev
- 0
- Футбол
“Реал” ёзги трансфер вақтида таркибда жиддий ўзгаришлар қилади. Асосий эътибор катта маош оладиган ва ёши ўтиб қолаётган юлдузлар ўрнига, истеъдодли ёш футболчиларни таклиф этишга қаратилади.
Хусусан, “Қироллик клуби” Испания чемпионатида ўзини кўрсатиб келаётган “Вильярреал” юлдузи Пау Торрес трансфери бўйича музокараларни бошлаб юборди. Испаниялик марказий ҳимоячи мадридликлар сардори Серзио Рамоснинг ўрнини босиши керак бўлади. Рамоснинг ўзи клуб билан янги шартнома борасида келиша олмади ва мавсум якунланиши билан Мадридни тарк этиши кутилмоқда.
Айни пайтда Торреснинг трансфер суммаси 50 миллион евро экани белгиланган. Бироқ, ёзгача бу сумма 65 миллион еврогача кўтарилиши кутиляпти.
Мадридликлар нархни тушириш мақсадида трансферга “Арсенал”да ижарада ўйнаётган Дани Себальос ёки мавсумни “Боруссия”да ўтказаётган Рейньер Хесусни қўшишни режалаштирмоқда.