“Реал” Анчелотти ўрнига кимни олиб келиши маълум бўлди

Жорий мавсум “Реал”ни катта муваффақиятларга етаклаган Карло Анчелотти учун жамоа бош мураббийлигидаги охирги йил бўлиши ойдинлашиб бормоқда.

Клуб хўжайинлари янги лойиҳани ҳаётга тадбиқ этмоқчи ва уни умуман бошқа мутахассис боқаришини истаяпти.

Маълумотларга қараганда, “Қироллик клуби” раҳбарияти ёзда жамоага бош мураббий сифатида “Байер”да муваффақиятли ишлаётган Хаби Алонсони олиб келиш бўйича якуний қарорга келиб бўлган.

“Реал” ўзининг собиқ ўйинчиси Хаби Алонсони танлагани бежиз эмас. Мадридлик мухлислар уни жуда яхши кўради.

Энг асосийси эса, Хаби Алонсо “Байер” сингари ўртамиёна жамоани узоқ йиллик тарихида илк бор Германия чемпионига айлантира олди. “Реал” эса, жамоани яшартириш ишларини давом эттирмоқчи ва бу лойиҳа бошида янги авлод мураббийларидан ҳисобланган Хаби Алонсо туришини режалаштирган.