"Реал" 15 йилдан зиёд вақтдирки, чемпионатдаги илк ўйинларда мағлубиятга учрамай келмоқда

Мадриднинг "Реал" клуби Ла Лигадаги янги мавсумни ғалаба билан бошлади. Хаби Алонсо шогирдлари 1-турда "Осасуна"ни минимал ҳисобда (1:0) мағлуб этди.

Қайд этиш жоиз, "қироллик клуби" сўнгги бор чемпионатнинг старт баҳсида 2008 йили мағлубиятга учраган. Ўшанда "Депортиво" мадридликларни 2:1 ҳисобида таслим этган эди.

Эндиликда "Реал" 2-турда "Овьедо"га қарши майдонга тушади. Ушбу учрашув 24 август куни бўлиб ўтади.