Расман! Виллиан "Арсенал" билан 3 йиллик шартнома имзолади

Яқиндагина “Челси” билан шартномаси якунланиб, эркин агентга айланган ярим ҳимоячи Виллиан фаолиятини Лондоннинг бошқа бир гранди – “Арсенал”да давом эттирадиган бўлди.

Клуб расмий сайти тарқатган хабарга кўра, 32 ёшли бразилиялик футболчи “канонирлар” билан 3 йиллик шартнома имзолаган. У янги жамоасида 12-рақам остида тўп суради.

Виллиан ўтган мавсум АПЛда 36 та ўйинда майдонга тушди ва ўз ҳисобига 9 та гол ҳамда 9 та голли узатмага муаллифлик қилди.