Расман! Икром Алибоев "Сеонгнам" футболчиси

Икром Алибоев "Сеонгнам" жамоаси аъзосига айланди. Ўзбекистонлик футболчи Корея К-2 Лигасида ҳаракат қилаётган клуб билан 2 йиллик шартнома имзолади. Корея Республикаси клуби трансферни Алибоевнинг туғилган кунида эълон қилди.

Маълумот учун, "Сеонгнам" 2 карра Осиё чемпионлар лигаси ғолиби бўлган, аммо ҳозирда Корея 2-лигасида ўйнайди. Ушбу жамоа ўзбекистонлик футбол ишқибозлари учун нотаниш эмас. Сервер Жепаров ва Жамшид Искандеров ўз вақтида бу жамоа шарафини ҳимоя қилган.