Расман! "Челси" янги дарвозабон сотиб олди

"Челси" ўзининг расмий сайтида "Ренн" дарвозабони Эдуар Мендини сотиб олганини эълон қилди.

Юқоридаги манбага кўра, “аристократлар” 28 ёшли посбон учун француз клубига 25 млн евро тўлаган ва у билан 5 йиллик шартнома имзолаган.

Ҳозирча сенегаллик футболчи “Челси”да қайси рақамда тўп суриши номаълум.

Менди ўтган мавсум “Ренн” сафида 34 та ўйинда майдонга тушган ва ўз дарвозасидан 32 та гол ўтказиб юборган.