Расман! "Борнмут" бош мураббийи билан шартномани узайтирди
- 14-май 2024, 02:16
- Suhrob Xolbekov
- 0
- Футбол
Расман "Борнмут" бош мураббийи Андони Ираола жамоа билан тузган шартномасини 2026 йилниг ёзига қадар узайтирди.
41 ёшли Ираола 2023-йилнинг июнь ойида икки йиллик шартнома асосида “Борнмут”ни қабул қилиб олганидан кейин клубдаги ҳолатни яхшилай олди.
"Янги шартнома имзолаганимдан жуда хурсандман. Бу ҳар икки томоннинг ишончини янада оширишдир", деди испаниялик мутахассис битимни янгилаганидан кейин.
Андони ўтган ёзда собиқ бош мураббийи Гари Ўнил истеъфога чиқарилганидан кейин Испаниянинг "Райо Вальекано" жамоасидан "Борнмут"га келганди. Унинг инглиз олий лигасидаги ҳаёти қийин кечди ва "олчалар" дастлабки тўққизта ўйиндан атиги уч очкони қўлга киритдилар.
Ираола "Бёрнли", "Лутон" ва "Эвертон"га қарши ғалабалардан сўнг март ойининг энг яхши мураббийи деб топилди ва у Премер-лигада мавсумнинг энг яхши мураббийи номига ҳам номзод бўлди.