Расман! АПЛни яна бир клуб тарк этди

Англия премьер-лигасини тарк этган яна бир клуб номи аниқ бўлди. "Вест Бромвич" янги мавсумни Чемпионшипда бошлайди.

“Вест Бромвич” кеча АПЛнинг 35-турида “Арсенал”га имкониятни бой берди ва мавсум якунига қадар хавфли зонани тарк этиш имкониятини бутунлай йўқотди. Эътиборлиси, "Вест Бромвич" устози Сэм Эллардайс мураббийлик фаолиятида илк бор премьер-лигадан тушиб кетди.

Бундан аввалроқ, "Шеффилд Юнайтед" ҳам АПЛни тарк этгани маълум бўлган эди. Ушбу жамоа ҳисобида бор йўғи 17 очко бор.

Чемпионшипдан премьер-лигага "Норвич" ҳамда "Уотфорд" клублари йўл олди. Яна бир жамоа эса плей-офф учрашуви орқали ушбу масалани ҳал қилиши мумкин.