Раньери Шомуродов ҳақидаги саволга жавоб берди

А Серия аутсайдерига айланиб қолган “Кальяри” бош мураббийи Клаудио Раньери еттинчи турда Флоренцияда жамоаси “Фиорентина”дан йирик ҳисобда мағлубиятга учраганидан кейин журналистларнинг саволларига жавоб берди.

Бу учрашувни илк дақиқалардан бошлаган Элдор Шомуродов яна ўзини кўрсата олмади ва биринчи бўлимдан кейин захирага олинди.

- Шогирдларингизнинг ўйинга муносабатидан хафсалангиз пир бўлдими?

- Менга шогирдларимнинг хотижрамликни йўқотмаган маъқул келди. Биз рақибнинг қандай ўйнашини билардик, лекин уларни тўхтата олмадик. Биринчи голдан кейин ҳисобни тенглаштиришимиз мумкин эди. Бу жуда яхши имконият эди. Техник жиҳатдан кучли рақибга қарши учрашувнинг йигирманчи дақиқасида ҳисоб 2:0га етди. Биз мураккаб вазиятга тушиб қолдик.

Ўйиннинг иккинчи ярмида ўзгаришлар орқали жамоага ёрдам беришга уриндим. Биз жуда кўп  хатога йўл қўйдик ва қатъиятсизлик қилдик. Энди кўп гапирмасдан, мухлислардан узр сўраган ҳолда яна ишга шўнғиймиз. Мен ҳаммасини тартибга солишим керак.

- Ўйинчилар қай аҳволда?

- Уларнинг боши эгилган. Инсоннинг ҳақиқий кучи йиқилгандан кейин қайта тура олишида кўринади. Кучли жамоага  ютқаздик. Кейинга гал ижобий натижага эришишга ҳаракат қиламиз.

- Нега ҳужум чизиғига Андреа Петанья ва Элдор Шомуродовни танладингиз?

- Биз танаффусгача иккита тўп ўтказиб юборишимизни кутмаган эдим. Мен Ористанио иккинчи бўлимда майдонга тушиб, ўзини кўрсатади, деб ўйлагандим. Шундоқ ҳам у ва Прати жамоага яхши импульс бера олди. Биз қанчалик ҳаракат қилмайлик барибир бу гал ҳам ортда қолдик. Лекин қўлимиздан келганини  қилдик.

- Нандес гол урганида 1:1 ҳисоби нимадир ўзгартириши мумкинмиди?

- Балки бу ҳолатдан кейин жамоанинг руҳияти кўтарилган бўлармиди... Лекин гап бошқа, майдондаги иш бошқа.

- Ҳозиргача нимани ўргандингиз?

- А Сериянинг талаб ва сифатлари В Сериядан кескин фарқ қилади. Илгари қуйи лигада ҳолатни ўнглай олган вазиятларимиз бу ерда иш бермаяпти. Юқори дивизионда сизни дарров жазолашади.

- Радуновичнинг муаммоларини қандай бартараф этиш мумкин?

- Мен йигитларнинг ҳар бири билан гаплашяпман. Мен уларнинг фандай фикрда эканини билишни хоҳлайман. Олдинди битта ўйинимиз бор. Кейин танаффус эълон қилинади. Радуновичга келсак, мен унга яна икки ўйинда имкон беришимни, у эса, менга нималарга қодирлигини исботлаши кераклигини айтдим.

Таъкидлаш жоиз, "Кальяри" футболчилари А Сериядаги навбатдаги учрашувини 8 октябрь куни ўз майдонида "Рома"га қарши ўтказади. Бу беллашув асли трансфер ҳуқуқи Рим клубига тегишли бўлган Элдор Шомуродов учун принципиал аҳамиятга эга бўлади. 

Хавфли зарба берган Шомуродовнинг ўйини қандай баҳоланди?

Хорижлик экспертлар Файзуллаевга тан бера бошлади

Файзуллаев Европага кетишга тайёрланяпти!

Легионерларимиз тарихий чемпионлик остонасида

Легионеримизнинг голи жамоасини чемпионликка яқинлаштирди, ўзи эса...

Легионеримиз қаҳрамонлар қаторида

Легионер мана шундай бўлади: Зўрлигини исботлаш учун Файзуллаевга 45 дақиқа кифоя қилди!

Ўзбекистон ва Россия тўқнашувида олтита гол бўлди

Шомуродовни уйғотиб қўйинглар...

Фанатлар Шомуродовдан нимани талаб қиляпти?

Шомуродовдан қандай қилиб максимум фойда чиқариш мумкин?