Раньери “Рома”ни қутқарган Шомуродов ҳақида нималар деди?

Италия чемпионати қизғин паллага кирди. 31-турнинг энг муҳим ўйинларида бири пойтахт “Олимпико” стадионида Европа Чемпионлар лигаси йўлланмаси учун курашаётган тўғридан тўғри рақиблар – “Рома” ва “Ювентус” ўртасида бўлди.

Учрашувнинг 40-дақиқасида меҳмонлар вакили Мануэль Локателли гол уриб, Турин суперклубини ҳисобда олдинга олиб чиқди.

Клаудио Раньери муҳим ўйинни қутқариш учун ечим топишига тўғри келди. Аслида 73 ёшли мураббий тайёргарлик жараёнида туринликларга қарши икки ҳужумчи – Артём Довбик ва Элдор Шомуродовни бирга ўйнатишни режа қилганди.

Негадир италиялик мутахассис беллашув олдидан фикрини ўзгартириб, бошланғич таркибда фақат Артём Довбикни туширди. Танаффусда Раньери аввал-бошдан тайёрлаган тактикасини қўллашга қарор қилиб, тўқнашувга Элдор Шомуродовни ташлади.

Бу қадам ўзини оқлади. Ўзбек легионери 49-дақиқада “Ювентус” дарвозасини ишғол қилиб, жамоасини мағлубиятдан қутқарди.

Учрашувдан кейин Клаудио Раньери ўз фикр-мулоҳазаларини билдирар экан ўйин қаҳрамони ва “Рома” халоскорига айланган Элдор Шомуродов ҳақида ҳам гапирди.

- Артём Довбик ва Элдор Шомуродовни илк дақиқалардан бирга ўйнатиш ҳақида доимо ўйлаб юраман. Лекин бу ҳар томонлама пухта ўйлаб, кейин амалга оширадиган иш. Уларни бирга ўйнатсам, Довбикнинг айрим вазифаларини Элдорга олиб беришимга тўғри келади. Шомуродов бошланғич таркибда ўйнашга лойиқ футболчи.

Бироқ, ҳар икки ҳужумчини бирданига майдонга туширсам, кейинчалик бу позициясини кучайтириш учун бошқа форвард қолмайди.

Таркибимизда ҳозир уларнинг ўрнини босишга қодир бошқа марказий ҳужумчи йўқ.

Мен иккита ҳужумчи билан ўйнашни истайман, лекин ўйин давомида бирортаси чарчаб қолса ёки жисмоний муаммолар пайдо бўлса, уларнинг ўрнига кимни майдонга тушираман?

Мана шунинг учун ҳам ҳозиргача асосан фақат бир марказий ҳужумчини майдонга туширяпман. Лекин шунга қарамай, ҳеч қачон фақат шундай бўлади, деб бўлмайди.

Бир қарорга келишдан аввал мен камида икки карра ўйлаб иш кўраман, чунки Довбик ҳам, Шомуродов ҳам жамоа учун борини беришини яхши биламан. Элдорни захирадан ўйинга қўшиб, Довбикка бўлаётган босимни камайтиришга уринаман. Шомуродов эса ҳар доим бошланғич таркибда ўйнашга лойиқ футболчи. У захирадан майдонга тушганида ҳам ўз ишини юқори даражада уддалайди.

Бошланғич таркибга кирмаган йигитларнинг майдонга тушиб, жамоага катта ёрдам беришга интилаётганини кўриш мени тўлиқ қониқтиради. Уларнинг ёрдами ҳар қандай мураббий учун жуда муҳим аҳамият касб этади, - деди Клаудио Раньери.

Эслатиб ўтамиз, Элдор Шомуродов жорий мавсумда “Рома” сафида А Серия, Италия кубоги ва Европа лигасида жами ўттизда учрашувда иштирок этиб, рақиблар дарвозасини олти маротаба ишғол қилди ва жамоадошларига учта голли пас узатди.

Ҳусановни ўйнатмаган Гвардиола балога қолди!

“Рома”нинг даҳшатли қуроли: Шомуродов экспертлар томонидан қандай баҳоланди?

Пеп, нималар қиляпсан, Абдуқодир қани? Ҳусановни ўйнатмаган Гвардиолани фанатлар “талашяпти”!

Супергол ва ассист: Ўзбек легионери ўйин қаҳрамони бўлди!

Пьянич Файзуллаевга “Барса”га ўтиш йўлини ўргатди

Агент Файзуллаев Европага қачон кетишини айтди. Манзил фақат ТОП-ЛИГА!