Қозоғистон. Сергеев учун омадсиз тур, Абдумажидов жамоаси пешқадамга айланди (турнир жадвали)

Қозоғистон Премьер-лигаси 8-тур учрашувлари бўлиб ўтди.

Легионерларимиз ҳаракат қилаётган жамоалар бугун ўз ўйинини ўтказди. Хусусан, "ўзбекча дерби"да Одил Абдумажидов ҳаракат қилаётган "Ордабаси" клуби Жасур Жалолиддиновнинг "Қайрат"ини мағлубиятга учратди, 2:1. Абдумажидов асосий таркибда майдонга тушиб, тўлиқ ўйнади, Жалолиддинов захирада қолдирилди.

Шунингдек, "Тобол" сафида ҳаракат қилаётган Игорь Сергеев учун тур омадсиз келди. Яъни, легионеримиз жамоаси "Астана" билан 1:1 ҳисобида дурангга имзо чекди, Сергеев биринчи тайм сўнгида пенальтидан фойдалана олмади, иккинчи бўлимда киритган голи бекор қилинди. 

Қуйида бугунги ўйинлардан кейин турнир жадвали билан танишинг.