Қолдирилган баҳсда иродали ғалабага эришган "Атлетико" "Барселона"дан 6 очко илгарилаб кетди

Испания Ла Лигаси 18-туридан ўрин олган "Атлетико" Мадрид - "Атлетик" Бильбао учрашуви ўз ниҳоясига етди. Ўйинда мадридликлар 2:1 ҳисобидаги иродали ғалабани қўлга киритишди.

Голларга мезбонлар сафида Маркос Льоренте ҳамда Луис Суарес муаллифлик қилган бўлса, бильбаоликларнинг ягона голи Икер Муниаиннинг номига ёзилди. 

Шу тариқа, қолдирилган баҳсда 3 очкони қўлга киритган "матрасчилар" ўз очколари сонини 62 тага етказиб олди ва энг яқин таъқибчиси бўлган "Барселона"дан 6 очкога илгарилаб кетди. "Атлетик" эса 33 очко билан 8-ўринда бормоқда.

{online}3424208{/online}