Пули йўқ “Барселона” барибир қиммат юлдузни олмоқчи
- 7-январ 2025, 18:00
- Zohir Toshxo’jayev
- 0
- Футбол
“Барселона” анчадан бери асосий тўпурари Роберт Левандовскининг муносиб ўринбосар қидирмоқда. Бироқ Европада гол уришда барқарор ҳисобланган барча ҳужумчилар ўта қиммат баҳоланади.
El Nacional нашрининг маълум қилишича, каталонияликлар “Ньюкасл"да ўйнаётган Александер Исаакни Испанияга кўчириб келмоқчи.
“Барселона” мутасаддилари швед форвардининг трансферига ўзларининг ҳужумкор футболчиси Ферран Торресни қўшиш орқали, тўланадиган сумма миқдорини пасайтиришга уриниб кўради.
“Ньюкасл” анчадан бери Ферран Торресга қизиқиш билдириб келади.
“Барселона” англияликларнинг қизиқишидан фойдаланиб, 100 миллион евролик трансферга ўз ўйинчисини қўшишни режа қилган.
Исаакнинг “қарғалар” билан келишуви 2028 йилнинг ярмигача тузилган ва Transfermarkt портали 25 ёшли футболчини 75 миллион еврога баҳоламоқда.