ПСЖ мутасаддилари трансфер бозори ёпилиши арафасида яна бир янги ўйинчини қўлга кирита олди.
“Лион” ҳужумчиси Брэдли Баркола бундан буён Париж клуби шарафини ҳимоя қиладиган бўлди.
Маълумотларга қараганда, парижликлар 20 ёшли футболчи учун “Лион”га 45 миллион евро тўлайди. Бундан ташқари, яна беш миллион евролик бонуслар берилиши келишиб олинган.
ПСЖ истеъдодли ҳужумчи билан 2028 йилнинг ёзигача давом этадиган шартнома имзолади.
Баркола ўтган мавсумда барча турнирларда 31 та учрашув ўтказиб, еттита гол ва тўққизта ассист муаллифи бўлган эди.
Transfermarkt порталида ёш ўйинчининг бадал пули 18 миллион евро экани кўрсатилган. “Лион” бу суммадан бир неча баравар кўп фойда қилди.
Изоҳлар (0)
Ҳозирча изоҳлар йўқ