ПСЖ МЮ чекинганидан унумли фойдаланмоқчи

ПСЖ раҳбарияти клубни эркин агент сифатида тарк этган Эдинсон Кавани учун ўринбосарни "Лион"дан топди.

Le10Sport нашрига кўра, парижликлар мутасаддилар ҳужумчи Мусса Дембеленинг трансфери учун таклиф тайёрлаб улгурган.

Олдинроқ, "Манчестер Юнайтед" франциялик тўпурар учун курашдан чиққани хабар қилинган эди. ПСЖ эса ушбу трансфер учун ягона даъвогар клуб сифатида қолди.

Жорий мавсумда 27 та ўйинда 16 та голга муаллифлик қилган футболчининг трансфер нархи 35-40 миллион еврони ташкил қилади.