ПСЖ Дембеле трансферини эълон қилди

"Барселона" вингери Усмон Дембеле ПСЖ билан шартнома имзолади.

26 ёшли футболчининг трансфери парижликлар учун 50 миллион еврога тушди. Аввалроқ, ушбу сумманинг ярмини футболчи ва унинг агенти қўлга киритиши ҳақида хабарлар тарқалганди. Усмон янги клуби билан 2028 йилнинг ёзига қадар битим имзолади.

Француз ўтган мавсум "Барселона" таркибида 35 та ўйинда майдонга тушиб, 8 та гол урган ва 9 та голга ассистентлик қилган.