2019 йил профессионал бокс оламидаги "супер" гонорарлар кимларга тегишли эканлигини биласизми?

Бу борада етакчилик Буюк британиялик Энтони Жошуага насиб қилади. У мексикалик Энди Руис билан реванш жанги учун 85 млн АҚШ долларини қўлга киритади.

                                                  1. Энтони Жошуа – 85 млн $

Қизиқарлиси, иккинчи ўринни блоггерлар банд этишган. КСИ ва Логан Паул ўртасидаги бокс бўйича жанглар учун 150 миллион гонорар белгиланган. Ҳар иккиси учун 75 млн $  дан.

                                          2. КСИ ва Логан Паул – 75 млн $



“Pound-for-Pound” етакчиси мексикалик Сауль Альварес учун жорий йил анчагина даромадли келди. У дастлаб, Даниэль Жейкобс устидан қозонилган ғалабаси учун 36 млн $ миқдоридаги маблағни эгасига айланди.
                                         3. Сауль Альварес -36 млн доллари

Навбатдаги ўринни ҳам “Канело” қўлга киритди. У Сергей Ковалёв билан яримоғир вазн тоифасидаги дебюти учун 35 миллион долларни қўлга киритди. Дарвоқеа, жанг қандай якунланганидан ҳам яхшигина хабардорсиз.

                                                     
                                                  4. Cауль Альварес – 35 млн $

“Йил сенсацияси” сифатида эътироф этилган  Энтони Жошуа ҳамда Энди Руис билан биринчи жанг учун британиялик чармқўлқоп устаси 25 миллион доллар ишлаб топган.

                                                      5. Энтони Жошуа – 25 млн $
Кўп баҳс-мунозараларга сабаб бўлган қозоғистонлик Геннадий Головкин ва украиналик Сергей Деревянченко билан жанг учун GGG 15 миллион долларни қўлга киритди.

                                                     6. Геннадий Головкин – 15 млн $

Энтони Жошуа мексикалик боксчи билан ҳар икки жангда улкан суммани қўлга қиритганидан кейин, Энди Руис ҳам  бу рўйхатдан ўрин олмаса адолатсизлик бўларди.  У британиялик билан реванш жанги учун 13 миллион доллар олади.
                                                    Энди Руис – 13 млн $

 “Лўлилар қироли” дея эътироф этилувчи, Тайсон Фьюри Том Шварц билан жанг учун  11 миллион долларни қўлга киритди. Унинг WWE даги дебютида бундан анча кўп миқдордаги маблағни қўлга киритганлиги борасида ҳам хабарингиз бор бўлса керак...

                                                      8. Тайсон Фьюри – 11 млн $

WBC нинг супер оғир вазн тоифаси чемпиони Деонтей Уайлдер Доминик Бразил билан бўлган жанг учун чўнтагига 10 миллион долларни солиб қўйди.
                                                           
                                                      9. Деонтей Уайлдер – 10 млн $

Даниэль Жейкобс ҳам Сауль Альварес билан жангдан яхшигина маблағ ишлаб топган. У 10 миллион долларга эга чиққан эди.

                                                 10.  Даниэль Жейкобс – 10 млн $

                                                                                                           Жалол Аҳмедов тайёрлади