Про лигада марказий ўйин олдидан кимда имконият қандай?

Эртага Про лиганинг навбатдаги турида «Қўқон-1912» жамоаси турнир жадвалидаги асосий рақиби «Динамо»га қарши майдонга тушади. Мазкур баҳс олдидан "Қўқон-1912" матбуот хизмати ушбу жамоаларнинг ўзаро ўйинлардаги статистик маълумотлари билан таништириб ўтди.

Бу жамоалар шу пайтга қадар чемпионат доирасида 23 марта тўқнаш келишган. Бу сафарги тўқнашув Ўзбекистон чемпионатлари тарихидаги 24-тўқнашув бўлади.

Ўйинларнинг 9 тасида қўқонликлар зафар қучишган, 6 та баҳсда самарқандликлар қўли баланд келган. 8 та учрашувда дуранг натижа қайд этилган.

Тўплар нисбати – 28-28. Ўзаро ўйинларда «Қўқон-1912» 35 очкони қўлга киритган. «Динамо»нинг очкоси 26 тани ташкил этади.

Эътиборлиси, "Динамо" ҳали Қўқонда ютмаган. Кўрамиз, бу сафар нима бўларкин?