"Президент кубоги". Нодирбек Абдусатторов ҳиндистонлик шахматчи билан баҳсда дурангга имзо чекди

Тошкентда "Президент кубоги" давом этмоқда. 3-бор ўтказилаётган мусобақанинг мукофот жамғармаси 75000 АҚШ долларини ташкил этади.

Турнир 2 гуруҳда ўтказилади. "А" гуруҳида рейтинги 2250 ва ундан юқори рейтингли шахматчилар иштирок этса, "Б" гуруҳида рейтинги 2249 ва ундан паст рейтингли шахматчилар қатнашади.

Ҳар бир ўйин 90 дақиқа ва ҳар бир юриш учун 30 секунд вақт қўшиб борилади. 

Ушбу турнирнинг 4-туридан ўрин олган Нодирбек Абдусатторов ҳамда Мурали Картҳикеян баҳсида дуранг натижа қайд этилди. Таъкидлаш керак, 3-турдан сўнг Абдусатторов 2-, Картҳикеян эса 4-поғонани банд этиб турганди.