Превью. "Навбаҳор" - "Бунёдкор"

"Навбаҳор" Ўзбекистон Cуперлигаси 16-тури доирасида ўз майдонида Тошкентнинг “Бунёдкор” клубини қабул қилади.

Ўзбекистон чемпионатлари тарихида ушбу жамоалар ўзаро 37 маротаба куч синашишган. Ўтказилган ўйинларнинг 21 тасида “Бунёдкор” “лочинлар”ни мағлубиятга учратган. “Навбаҳор” эса  9 та ўйинда ғалаба қозонган. Еттита учрашувда эса томонлар дурангга имзо чекишган. Тўплар нисбатидаги кўрсаткич 67:38, “қалдирғочлар” фойдасига.

Ўзаро ўйинларда “Бунёдкор” 70 очко, “Навбаҳор” эса 34 очкони қўлга киритган. 

Ушбу клубларнинг ўзаро беллашувларидаги энг йирик ҳисоб 2009 йили кузатилган. Ўша йили Тошкентда бўлиб ўтган баҳсда “қалдирғочлар” 6:0 ҳисобида ғалаба қозонишганди. 

Мазкур жамоалар иштирокидаги Наманганда бўлиб ўтган 18 та ўйиннинг 8 тасида мезбонлар, 7 тасида эса меҳмонлар зафар қучишган. Учта учрашувда  эса ғолиб аниқланмаган. Тўплар нисбати – 26:22, “Бунёдкор” фойдасига.

Эслатиб ўтамиз, “Навбаҳор” – “Бунёдкор” учрашуви 19 август куни Наманган шаҳар, Давлатобод туманидаги “Марказий” стадионида соат 19:30 да старт олади.

"Навбаҳор матбуот хизмати.