Погба агентига қандай шарт қўйди?

"Манчестер Юнайтед" ярим ҳимоячиси Поль Погба агенти Мино Райоладан ўзига бошқа жамоа топишни талаб қилмоқда.

Bild нашри тарқатган хабарга кўра, агар Райола франциялик футболчининг талабини бажармаса, у ўзига бошқа агент ёллаши мумкин. Ўз навбатида, “қизил иблислар” ҳам Погбани яқинлашиб келаётган қишки трансферлар даврида сотиб юбормоқчи.

МЮ Погбани 2016 йил 105 млн евро эвазига “Ювентус”дан сотиб олган эди. У жорий мавсум 14 та ўйинда майдонга тушди ва 2 та гол урди. Унинг клуб билан амалдаги шартномаси 2022 йилга қадар имзоланган.