"Пахтакор"га Славен Билич келиши ростми? Клуб мутасаддиси жавоб берди

Хабарингиз бор, куни кеча "Пахтакор" бош мураббийи Шота Арвеладзе клуб билан хайрлашиб, мураббийлар штаби билан Тошкентни тарк этганди. Шундан сўнг, тезкор равишда ижтимоий тармоқларда унинг ўрнига АПЛнинг бир қатор клубларида фаолият олиб борган хорватиялик собиқ футболчи Славен Билич мураббийликка олиб келиниши ҳақидаги хабарлар пайдо бўлди.

Ушбу гап-сўзлар ҳақиқатга қанчалик яқинлигини билиш учун клуб матбуот котиби Беҳзод Назаровга мурожаат қилдик.

 - Айни пайтда бу каби гап-сўзларни ўринли, деб бўлмайди. Шота Арвеладзенинг клубимиз билан 31-декабргача амал қиладиган шартномаси бор. Раҳбарият ҳозирча янги мураббий олиб келиш ишларини муҳокама қилмаяпти", - деди "Пахтакор" матбуот котиби. 

Воқеалар ривожини SPORTS.uz сайтида кузатинг!