"Пахтакор" Тошкентга қайтиб келди

"Пахтакор" клуби расмий "Телеграм" саҳифаси маълум қилишича, "шерлар" кеча Тошкентга қайтиб келган.

"Жамоамиз кеча Қатардан Тошкентга қайтиб келди.

Футболчилар 5 октябрдан навбатдаги ўйинларга тайёргарликни бошлайди. 11 нафар ўйинчи миллий терма жамоа йиғинига жалб этилган ва улар 3-16 октябрь кунлари миллий терма ихтиёрида бўлиб, Эрон ва БААга қарши ўртоқлик учрашувларида қатнашади. Элдор Суюнов, Егор Кримец, Ҳожиакбар Алижонов, Фарруҳ Сайфиев, Аброр Исмоилов, Ҳожимат Эркинов, Жалолиддин Машарипов, Сардор Собирхўжаев, Одил Ҳамробеков, Достон Ҳамдамов ва Игорь Сергеев терма жамоа йиғинида иштирок этади.

Октябрь ойида жамоамиз Суперлига баҳслари доирасида 4 беллашувда майдонга тушиши режалаштирилган. 18 ва 21 октябрь кунлари Тошкентда "Қизилқум" ва "Сўғдиёна", 24 ҳамда 28 октябрда "Сурхон" ва "Машъал" билан ўйинлар ўтказилади", дейилади жамоа матбуот хизмати хабарида.