Пара шахматчилар ҳамда фахрий шахматчилар ўртасида шахмат бўйича Ўзбекистон чемпионати бўлиб ўтади

Жорий йилнинг 20–26 декабр кунлари Сирдарё вилояти, Гулистон шаҳрида Шахмат бўйича Ўзбекистон чемпионати ўтказилади.

Фахрий шахматчилар ўртасидаги баҳсларда 60 ёшдан юқори бўлган шахматчилар иштирок этиш ҳуқуқига эга бўладилар. Пара шахматчилар ўртасидаги мусобақалар эса ногиронлиги бўлган барча шахматчилар иштирокида ўтказилади.

Мазкур мусобақа мамлакатимизда шахмат спортини ривожлантириш, пара шахматчилар ва фахрий спортчиларни қўллаб-қувватлаш ҳамда уларнинг спорт маҳоратини янада оширишга қаратилган.