Пакьяо яна рингга қайтадими? WBC президенти жавоб берди

Бутунжаҳон бокс кенгаши (WBC) президенти Маурисио Сулаймон олтита вазн тоифасида собиқ жаҳон чемпиони филиппинлик Мэнни Пакьяонинг рингга қайтиши мумкинлиги ҳақидаги миш-мишларга жавоб берди.

“Бу мен учун қизиқ. Пакьяо – афсонавий боксчи ва унинг ҳали ҳам рингга чиқиш имконияти борлигига шубҳа йўқ. Унинг сўнгги тиббий текширувлари қониқарли бўлиб чиқди. У элита жангчиси. Бизга ҳали бу борада расмий сўров келиб тушгани йўқ. Лекин, истак борлигини биламан. Аммо расмий жавоб кутишимиз керак. Мэнни Пакьяо аллақачон рингда барча нарсага эришиб бўлган ва шу боис у бошқа боксчилар каби таваккал қилмайди”, - дея Сулаймоннинг сўзларидан иқтибос келтиради World Boxing News нашри.

Маълумот учун, 45 ёшли Мэнни Пакьяо ўзининг профессионал фаолиятини 2021 йилнинг 29 сентябрида якунлаган.