Ўзбекистоннинг машҳур футболчиси Россия клуби билан шартнома имзолайди
- 17-сентябр 2020, 00:10
- Zohir Toshxo’jayev
- 0
- Футбол
Россия Миллий футбол лигасида иштирок этаётган “Томь” жамоаси икки нафар янги футболчи - ўзбекистонлик тажрибали ҳимоячи Виталий Денисов ва россиялик ҳужумчи Денис Давидов билан шартнома имзолаш бўйича келишувга эришганини маълум қилди.
- Биз келишувга эришдик. Ҳар икки футболчининг тиббий кўрик натижаларини олдик. Энди уларнинг ўзларини кутяпмиз. Денисов ва Давидов бир-икки кундан кейин шу ерда бўлади ва шартномани расмийлаштирамиз. Виталий ва Денис жисмонан тайёр бўлса, “Волгарь” билан бўладиган ўйинда уларнинг хизматидан фойдаланишга ҳаракат қиламиз, - деди “Томь” клуби бош директори Татьяна Смирнова.
Ўзбекистон миллий терма жамоасида 72 та учрашув ўтказган машҳур ҳимоячи Виталий Денисов премьер-лига дебютанти “Ротор” билан маош масаласида келиша олмагач, эркин агент мақомида жамоасиз юрган эди.