Ўзбекистонлик ҳакамлар Жаҳон чемпионати учрашувини бошқариб боради

Ҳиндистонда бўлиб ўтадиган 17 ёшгача бўлган қизлар ўртасидаги Жаҳон чемпионатининг “А” гуруҳидан ўрин олган Марокаш — Бразилия баҳсида ўзбекистонлик ҳакамлар ишлайди.

Учрашувда Эдита Мирабидова бош ҳакам вазифасини бажаради. Унга яна бир ватандошимиз Кристина Середа ёрдамчи ҳакам сифатида кўмаклашади.

Мазкур ўйин 11-октябрь куни соат 16:00 да старт олади.