Ўзбекистон вакили Осиё Олимпия кенгашининг энг нуфузли совринига муносиб кўрилди

Шу кунларда Таиланд пойтахти Бангкок шаҳрида Осиё Олимпия кенгашининг (ООК) 43-Бош Ассамблеяси бўлиб ўтмоқда. Ассамблея доирасида қитъамизда узоқ йиллар Олимпия ҳаракати ривожига ҳисса қўшган мутасаддиларга ташкилотнинг энг нуфули соврини – "Буюк хизматлари учун" ордени топширилди.

Аҳамиятлиси, шу куни Ўзбекистон Миллий Олимпия қўмитаси Бош котиби Ойбек Касимов ҳам ушбу орденга муносиб кўрилди.

43-Бош Ассамблея доирасида Ўзбекистон томони Тошкент-2025 ёшлар Осиё ўйинларига кўрилаётган тайёргарлик бўйича тақдимот ўтказиши белгиланган.