Ўзбек спорт турлари сони яна биттага кўпаймоқда

Жамолиддин Бўтақулов ўзбек миллий анъана ва қадирятлари, шу билан бирга кўп миллатли халқимиз орасида дўстликни тарғиб қилган "Учартўп" деб номланувчи янги миллий спорт турини Интелектуал мулк агентлигидан рўйхатдан ўтказиб, Спортни ривожлантириш вазирлиги томонидан оммага тақдим қилиш учун рухсат олди.

"Учартўп" - йигит-қизлар бирдек шуғулланиш имконига эгалиги ва баллон шаклидаги тўпни қўлда ўйнаган ҳолда, ҳалқага улоқтириб бир бўлим учун керакли рақамларни жамғаришдан иборат бўлади. Ўйин 10 дақиқадан 4 бўлим ўйналади.

Режага асосан дастлаб Андижон вилоятининг 4 та тумани танлаб олинади ва кейинроқ бошқа вилоятларда ҳам тарғибот ишларини олиб борилади. Буни Жамолиддин Бўтақулов SPORTS.uz сайтига маълум қилди.