Осиё ўйинлари. Ўзбекистон ярим финалда Жанубий Кореяга имкониятни бой берди

Осиё ўйинлари ярим финал босқичидан ўрин олган Жанубий Корея - Ўзбекистон ўйини ўз ниҳоясига етди. Афсуски, унда вакилларимиз 2:1 ҳисобида мағлуб бўлди. 

Кореяликларнинг иккала голига ҳам Жонг Йу Вонг муаллифлик қилди. Вакилларимизнинг ягона голини Жасур Жалолиддинов жарима зарбасидан киритди.

Шунингдек, 74-дақиқада Абдурауф Бўриев қизил карточка олиб, майдонни эрта тарк этди. У иккинчи сариқ карточкасини ишлаб олгани сабаб четлатилди. 

Шу тариқа, ҳамюртларимиз финалга чиқиш имконини қўлдан бой берди. Энди Тимур Кападзе шогирдлари 3-ўрин учун Гонгконг термаси билан куч синашади.