Ўруновга яна бир даъвогар пайдо бўлди
- 7-декабр 2020, 12:12
- Zohir Toshxo’jayev
- 1
- Футбол
Ўтган мавсумдаги ишончли ўйинлари туфайли кўпчилик мухлису мутахассислар “Уфа” жамоасининг навбатдаги чемпионатда совринли ўринлар учун курашишини кутганди. Лекин амалда ундай бўлиб чиқмади.
Жорий чемпионат олдидан жамоани ғалабаларга етаклаган етакчи футболчиларнинг трансфер қилиниши уфаликларга қимматга тушди. Улар кетган ўйинчиларнинг ўрнини босадиган номзодларни топа олмади.
Хусасан, Остон Ўрунов ҳам “Спартак”га ўтгунича “Уфа”нинг энг илғор ўйинчиси эди. Унинг бўш қолган ўрнини ҳам тўлдириб бўлмади. Натижада жамоа премьер-лигада жон сақлаб қолиш учун курашишга мажбур бўлмоқда.
Остон Ўруновнинг “Спартак”дан кетиши мумкинлиги ҳақидаги хабарлар “Уфа” жамоасида ўзбек футболчисини яна таркибга қайтариш умидини уйғотди. Ҳозир уфаликлар раҳбарияти Ўруновни қайтариш масаласини муҳокама қиляпти.
- Ўруновни “Уфа”га қайтариш яхши вариант. Клуб уни ижарага олиш ёки тўлиқ трансфер қилиш борасида мурожаат қилмоқчи. Остон собиқ клуби таркибида мунтазам ўйин амалиётига эди, жамоанинг етакчи бўлган. Ўрунов “Уфа”даги талабларни яхши билади ва ҳаммани танийди, - дейди номи сир қолишини истаган “Уфа”га яқин манба.
Ўрунов “Спартак” билан беш йиллик шартнома тузган. Унга “Рубин”дан ҳам жиддий қизиқиш бўлмоқда. “Спартак” бош мураббийи Доменико Тедеско ҳам ёш футболчига имкон беришини билдирди.
Қишда Ўруновнинг фаолиятида ўзгариш бўлиши кутилмоқда.