Ўртоқлик ўйини. Ўзбекистон ОТЖ Хитойни мағлуб этди

Хитойда ўқув-машғулот йиғини олиб бораётган Ўзбекистон Олимпия терма жамоаси бугун мезбонларга қарши ўртоқлик ўйинида иштирок этди.

Тимур Кападзе Жасурбек Жалолиддинов ва Алишер Одиловнинг голлари эвазига 2:1 ҳисобида зафар қучди. Майдон эгаларининг ягона голи Жиа Фейфан ҳисобига ёзилди.

Захирадан қуйидаги футболчилар майдонга тушди: Пўлатхўжа Холдорхонов, Ҳусайн Норчаев, Умарали Раҳмоналиев, Муҳаммадазиз Иброҳимов, Жавоҳир Утамуродов, Фарруҳ Мухторов, Элдор Бегимов.