Оливье Жиру "Челси" билан шартномасини узайтиради

"Челси" клуби ҳужумчиси Оливье Жиру Лондонда яна бир йил қоладиган кўринади. Бу ҳақда goal.com нашри хабар берди.

 

Манбанинг маълум қилишича, "аристократлар" вакиллари Жиру билан шартномани узайтиришмоқчи. Лондонликлар франциялик форвардга яна бир йиллик битим таклиф қилишмоқда.

 

Эслатиб ўтамиз, Жиру бу мавсум "Челси" сафида барча турнирларда 44 ўйинда майдонга тушиб, 12 марта гол урди ва 8 бор шерикларига голлик пас берди.