"Oktagon". Бугун "Face to Face" маросими ўтказилди. Эртага бизни супер жанглар кутмоқда (фотогалерея)

Хабар бериб ўтганимиздек, 19 февраль куни Тошкентда катта ММА кечаси ўтказилади. Яъни, Қозоғистоннинг "Oktagon" ҳамда юртимизнинг "U1 Championship" промоушени ҳамкорлигида жанг кечаси ташкил этилади. 

Ушбу оқшомнинг марказий жангида юртимизнинг энг кўзга кўринган ММА вакилларидан бири Нурсултон Рўзибоев ҳамда бразилиялик Лучиано Контини баҳс юритади. 

Шунингдек асосий карддан Авлиёхон Ҳамидов, Азамат Нуфтиллаев каби таниқли ҳамюртларимизнинг жанглари ҳам ўрин олган. 

Бугунги спортчилар "Face to face" маросимида қатнашишди. Қуйида суратларни томоша қилишингиз мумкин.