ОКМК Грузия жамоаси билан дуранг ўйнади

ОКМК Анталядаги йиғини доирасидаги навбатдаги назорат ўйинини Грузиянинг "Самгурали" жамоасига қарши ўтказди.

Беллашувда жамоалар кучи тенг келди - 2:2.

Дастлаб, 3-дақиқада грузияликлар ҳисобни очган бўлса, 26-дақиқага келиб улар ҳисобни 2:0 кўринишига келтириб қўйди. 10 дақиқадан сўнг эса Нодирбек Абдураззоқов тактик ҳужумни гол билан якунлади ва орадаги фарқни қисқартирди. 42-дақиқага келиб Хуршид Ғиёсов ОКМК фойдасига белгиланган пенальтини голга айлантирди.

Шу тариқа, олмалиқликлар мавсум олди йиғин доирасидаги олтинчи ўртоқлик ўйинида дурангга имзо чекди.