ОФК Кубоги. "Насаф" "Хўжанд"ни ҳам аяб ўтирмади

ОФК Кубоги "F" гуруҳи 2-туридан ўрин олган "Хўжанд" - "Насаф" учрашуви ўз ниҳоясига етди. Учрашув вакилларимизнинг йирик - 0:3 ҳисобидаги ғалабаси билан якунланди.

Голларнинг барчаси 1-таймда урилди, уларга Акмал Мозговой (9'), Ҳусниддин Алиқулов (42') ҳамда Шерзод Насруллаев (45+2') муаллифлик қилишди. Иккинчи бўлим ҳар қанча курашларга бой ўтмасин, шу ҳисоб ўйин якунига қадар ўзгармади. "Насаф" иккинчи уч очкосини ҳам қийинчиликсиз қўлга киритди.

Кейинги турда қаршиликлар Туркманистоннинг "Олтин Аср" клубига қарши баҳс олиб боради ва шу ўйинда ҳам ғалаба қўлга киритилса, 1-ўрин нақд бўлади. Вакилларимизга омад тилаймиз!