"Ньюкасл" иш бошқарувчиси: Рафаэль Бенитес учун доим пул биринчи ўринда бўлган

Англиянинг "Ньюкасл" клуби иш бошқарувчиси Майкл Эшли жамоа бош мураббийлик лавозимидан кетган Рафаэль Бенитес борасида фикри билан ўртоқлашди.

"Бенитес учун клубдан кўра кўпроқ пул муҳим. У энг оддий вариантни танлади. Пулни олди ва Хитойга кетди. Бу мени лол қолдирди.

Агарда у "Реал" ёки Англиянинг топ-6 жамоаларидан бирига кетганида тушунардим. Лекин барчасини пул ҳал қилди.

Менинг вазифам Рафани олиб қолиш эди. Аммо буни иложи бўлмади. Менимча, у маошини 1,5 баробарга оширилишини истади ва биз бундай қила олмаслигмизни билган. Барча ўйлайдики, у биздан кетганининг сабаби маошини етарли қилиб бермадик.

Мураббий сифатида мени ундан ҳафсалам пир бўлмади. У жуда зўр ишлади. Мени ташвишлантирган нарса, нима учун мухлислар мени Рафага қарши деб ўйлашлигида. Мен дунёдаги энг ахмоқ одам эмасман.

Қайсидур паллада биз шартнома узайтириш борасида гаплашгандик, мен унга 8 йиллик битим таклиф қилишни истагандим. Аммо у хитойликлар билан барчасини ҳал қилиб бўлган эди," - Майкл.

Маълумот учун, Рафаэль Бенитеснинг Хитойнинг "Далянь Ифан" клуби бош мураббийи бўлиб ишламоқда ва йилига 12 млн фунт маош олади.

Манба:Daily Mail