“Ньюкасл” энг зўр дарвозабонни олиб келади

Англия премьер-лигасидаги жойини сақлаб қолиш учун таркибини кучайтираётган “Нькасл” дунёнинг бугунги кундаги энг кучли дарвозабонларидан ҳисобланган Кейлор Навасни олиб келмоқчи.

Костар-рикалик дарвозабон фаолияти давомида ўз юртида олти маротаба чемпион бўлган. Европага келганидан кейин Испания чемпионатида “Альбасете” ва “Леванте” дарвозаларини қўриқлаган. 2014 йили “Реал”га кўчиб ўтиб, Испания чемпиони, мамлакат кубоги соҳиби бўлди. Мадридликлар сафида уч бор Чемпионлар лигаси, икки марта УЕФА Суперкубоги ва тўрт бор клублар ўртасидаги жаҳон чемпионати ғолибига айланди.

Кейлор Навас 2019 йилдан буён ПСЖ дарвозасини қўриқламоқда ва Франция чемпиони ҳисобланади.

Тажрибали дарвозабон жорий мавсумда 17 маротаба майдонга тушиб, бешта учрашувда дарвозаси дахлсизлигини сақлаб қолди.