“Навбаҳор” футболчиларининг статистикаси

“Навбаҳор” клуби матбуот хизмати жамоанинг "Суперлига – 2020"даги статистик маълумотлари билан таништириб бормоқда.

Бу сафар футболчиларнинг майдонда қанча вақт ҳаракат қилганликлари борасидаги статистикага тўхталиб ўтилди.

Якунланган мавсумда “лочинлар” таркибида 29 нафар ўйинчи майдонга тушди.

Таъкидлаш жоизки, улардан 5 нафари – Сардор Теляков, Достонбек Абдулҳаев, Мирзоҳид Мирзамаҳмудов, Ҳусайн Эргашбоев ва Шерзод Ғуломжонов бу йил Суперлигада ўз дебютини нишонлади.

2 нафар тажрибали футболчи - дарвозабон Ўткир Юсупов ҳамда ҳимоячи Игорь Голбан энг кўп майдонга тушишди ва улар 24 та ўйинда тўлиқ ҳаракат қилди (2160 дақиқадан).

Ярим ҳимоячи Азизбек Турғунбоев гарчи 25 та баҳсда майдонга тушган бўлса-да, у 5 та учрашувда алмаштирилган, битта ўйинда захирадан майдонга тушди ҳамда 2116 дақиқа тўп тепган.

Ўз навбатида таъкидлаш жоизки, Турғунбоев  битта учрашувни айнан дисквалификация сабабли, яъни ҳисобидаги сариқ карточкалари сони 4 та етганлиги боис ўтказиб юборганди.

Ҳимоячи Мирзоҳид Ғофуров эса 22 ўййинда майдонга тушиб, 1952 дақиқа ҳаракатланди.

Қуйида сизларни “Навбаҳор”  футболчиларининг "Суперлига – 2020"даги мавсум статистикаси билан таништирамиз.