"Насаф"нинг ОЧЛ саралашидаги бугунги ўйини телеканалларда кўрсатиладими?

Бугун "Насаф" Осиё Чемпионлар лигасида плей-офф учрашувида майдонга тушади.

Рўзиқул Бердиев шогирдлари финал босқичига чиқиш учун курашади. Бу йўлда қаршиликларга БААнинг "Банияс" клуби рақиблик қилади. Ўйин Тошкент вақти билан соат 21:15 да старт олиши режалаштирилган.

Ушбу муҳим баҳс олдидан кўплаб мухлислар ўйинни қаерда томоша қилиш борасида мурожаат қилмоқда. Уларга шуни маълум қиламизки, учрашув саралаш босқичи эканлиги боис трансляция ҳуқуқи бирор бир телерадиокомпанияларда мавжуд эмас. Шунинг учун телеканалларда ўйин намойиш этилмайди. Фақатгина интернет тармоқларида томоша қилиш мумкин.

Маълумот учун, ғолиб "E" гуруҳидан ўрин олади. Ушбу квартетда "Ал Садд" (Қатар), "Ал Файсали" (Саудия Арабистони), "Ал Виҳдад" (Иордания) клублари мавжуд.