"Насаф" жамоаси раҳбариятида ўзгариш юз берди. Бу ҳақда "аждарлар" матбуот хизмати хабар тарқатди.
"Насаф" футбол клубига бегона бўлмаган ва жамоа сафида кўп йиллар тўп сурган Ботир Қораев жамоа спорт директори лавозимига тайинланди. Шу кунгача ушбу лавозимда ишлаб келган Юнус Набиев клуб структурасида бошқа лавозимда ўз фаолиятини давом эттиради.
"Насаф" жамоаси мен учун бегона эмас. Янги лавозимга тайинланган бўлсам ҳам жамоага қўлдан келганча ёрдам беришга ҳаракат қиламан",—дейди Ботир Қораев.
Бизнинг маълумот:
Қораев Ботир Саидович — 1980 йил Косон туманида туғилган.
2006 йилда Қарши Давлат университетини тамомлаган.
1997-2006 / 2008-2016 йилларда «Насаф» футбол клубида тўп сурган.
2017 йилда «Машъал» жамоасида тўп сурган.
2018-2020 йилларда «Машъал» жамоасида ёрдамчи мураббий лавозимида фаолият кўрсатган",-дея ёзиб қолдирди "Насаф" расмий "Телеграм" канали.