МЮ ва "Челси" туркиялик ёш иқтидор учун курашади

Англиянинг "Манчестер Юнайтед" ва "Челси" клублари туркиялик ҳужумчи Кенан Йилдизни ўз сафларига қўшиб олишга катта қизиқиш билдирмоқда. Бу ҳақда "La Gazzetta dello Sport" нашри хабар бермоқда.

Келажаги "Ливерпуль" билан ҳам боғланган футболчи келгуси ёзда бошқа клубга ўтиши мумкин. Бир йил аввал "Челси" ушбу ўйинчини сотиб олишни режалаштирган эди, бироқ "Ювентус" бу таклифни рад этган.

"Transfermarkt" портали Йилдизнинг қийматини 45 миллион еврога баҳоламоқда. Жорий мавсумда Йилдиз барча мусобақаларда 44 та ўйинда иштирок этиб, 8 та гол урди ва 5 та голли узатма берди. Бундан ташқари, ёш ҳужумчи Туркия миллий терма жамоаси ўйинларига ҳам фаол жалб қилинмоқда.