МЮ "Аякс"даги "янги Неймар"га кўз тикмоқда

"Аякс"нинг бразилиялик футболчиси Антони "Манчестер Юнайтед" клубининг қизиқишлари доирасига тушди. Бу ҳақда "Goal.com" нашри хабар берди. 

Манбага кўра, трансфер тез орада амалга ошиши мумкин. 22 ёшли футболчининг хизматларига "Аякс" собиқ бош мураббийи ва ҳозирда МЮга устозлик қиладиган Эрик тен Хагнинг шахсан ўзи эҳтиёж сезмоқда. 

Маълум қилинишича, вингер "қизил иблислар" билан музокаралар ўтказиш учун Бразилиядан Европага учиб кетган. У бўлажак янги клуби билан молиявий масалаларни келишиб олишни режалаштирган.