Мураббийимизни қайтаринглар!
- 11-март 2023, 07:27
- Zohir Toshxo’jayev
- 0
- Футбол
“Тоттенхэм” футболчилари клуб раҳбариятидан аввалги бош мураббий Маурисио Почеттинони қайтаришни сўрамоқда.
Sky Sports нашрининг хабар беришича, ўйинчилар клуб раҳбарияти ҳозирги бош мураббий Антонио Конте билан келишувни узайтирмаслигига ишоняпти. Жамоанинг етакчи вакиллари Маурисио Почеттинонинг ҳужумкор ўйин услубини соғинганини таъкидламоқда.
Бундан ташқари, аргентиналик мутахассиснинг футболчиларни ривожлантиришга алоҳида эътибор қаратиши ҳам унга бўлган эҳтиёжни кучайтирмоқда.
Бир гуруҳ футболчилар ва клуб ходимлари раҳбариятга мурожаат қилиб, имкон туғилиши билан Почеттинони қайтаришни сўраган.
50 ёшли мураббий “Тоттенхэм”дан кейин ПСЖни бошқарди. Бироқ 2022 йилнинг ёзида Париж клуби ҳам унинг хизматларидан воз кечди. Почеттино ҳозир ишсиз юрибди.