Муҳаммад Салоҳни оладиган икки суперклуб номи маълум бўлди
- 10-сентябр 2024, 14:00
- Zohir Toshxo’jayev
- 0
- Футбол
Муҳаммад Салоҳнинг “Ливерпуль”даги келажаги мавҳум бўлиб турибди. 32 ёшли футболчининг шартномаси мавсум охирида тугайди.
Мисрлик тўпурар яқинда “Ливерпуль”да охирги йилини ўтказаётганини айтганидан кейин уни ўз таркибига қўшиб олишни истаётган жамоалар пайдо бўла бошлади. Ўз навбатида, ливерпулликлар ҳам тажрибали ўйинчини янги шартномага кўндиришга ҳаракат қилади.
El Nacional нашрининг ёзишича, Салоҳга Европанинг ўзидан даъвогарлар чиқяпти. Туриннинг “Ювентус” клуби уни ўз таркибида кўришни истаяпти. “Ювентус” раҳбарлари айни пайтда янги лойиҳа қуряпти ва унда етакчилик ролини Муҳаммад Салоҳга топширишга тайёр.
Бундан ташқари, ПСЖ хўжайинлари ҳужум чизиғига қўшимча куч сифатида катта тажрибага эга ўйинчи қидиряпти. Улар бу масалани ёпишга Муҳаммад Салоҳ ҳар томонлама тўғри келишига ишоняпти.
Муҳаммад Салоҳ 2017 йилдан бери ливерпулликлар шарафини ҳимоя қилмоқда. Ҳужумчи ҳозиргача 352 та расмий учрашувда қатнашиб, ўз ҳисобига 214 та гол ва 92 та ассист ёздириб қўйган.