Муҳаммад Салоҳ катта ваъда бериб қўйди

Жорий мавсумда “Ливерпуль” Англия Премьер-лигасида чемпионлик учун курашди. Бироқ чемпионат охирига келиб, “Манчестер Сити” ва “Арсенал”дан орқада қолиб кетди.

Нуфузли совринларсиз қолган жамоанинг етакчи ҳужумчиси Муҳаммад Салоҳ келаси мавсум учун режаларини айтди.

- Совринлар катта аҳамият касб этишини жуда яхши биламиз. Шу боис, келаси мавсум уларни қўлга киритиш учун қўлимиздан келганини қиламиз.

Мухлисларимиз нуфузли совринлар ва катта ютуқларга муносиб, бунга эришиш учун бор кучимизни ишга соламиз, - деди Муҳаммад Салоҳ.

Германиялик мутахассис Юрген Клоппнинг сўнгги мавсумида “Ливерпуль” Премьер-лигани учинчи ўринда якунлади. Англия кубоги ва Европа Лигасида чорак финалда тўхтатилди.