Моуриньо: Касильяс билан орамизда тушунмовчиликлар бўлган, лекин ҳозир муносабатларимиз жуда яхши

Португалиялик машҳур мутахассис Жозе Моуриньо юрак хуружи билан касалхонага ётқизилган "Порту" дарвозабони Икер Касильяс ҳақида гапириб ўтди.

“Мен дарҳол “Порту” билан боғландим. Ушбу клубда ажойиб тиббий департамент мавжуд. Икер ишончли қўлларда бўлади. Олдин ўртамизда тушунмовчиликлар бўлган, лекин ҳозир муносабатларимиз жуда яхши”, - дейди Моуриньо.

Эслатиб ўтамиз, Касильяс ва Моуриньо “Реал”да бирга фаолият олиб боришган. Икер айнан Жозе қўл остида “қироллик клуби”да асосий таркибдаги ўрнини йўқотган.