Модрич яқинда икки муҳим қарорни қабул қилади

Ярим ҳимоячи Лука Модрич яқин орада бир қанча муҳим қарорларни қабул қилиши керак. Биринчиси, Хорватия терма жамоасига тегишли - 37 ёшли футболчи Миллатлар лигасининг якуний қисмидан сўнг терма жамоадаги фаолиятини якунлаши мумкин. Кеча, чоршанба куни Хорватия терма жамоаси Нидерландияни мағлуб этди (4:2) ва финалга чиқди.

Модричнинг иккинчи қарори унинг клуб футболидаги келажаги ҳақида бўлади. "TodoFichaes" нашри хабарига кўра, хорватиялик футболчи "Реал" президенти Флорентино Перес ва клуб директорлари билан учрашишни сўраган. Учрашув келаси ҳафтага мўлжалланган.

Лука, эҳтимол, "Ал-Ҳилол"нинг таклифи (уч йил давомида 200 миллион евро) ҳақида гапириб, Саудия Арабистонига кетиши ёки Мадридда яна бир мавсум қолишини ҳал қилади.