МЛС кубоги. "Интер Майами" "Атланта"ни таслим этди. Суарес ва Альбадан гол, Мессидан эса ассист

Бугун тонгда АҚШ очиқ чемпионати саналган МЛСда кубок баҳслари бошланди. Аксар муҳлис ва мутаҳассисларнинг диққат марказида турган "Интер Майами" ва "Атланта" жамоалари ўртасидаги беллашувда мезбонлар Луис Суарес ва Хорди Альба томонидан киритилган голлар эвазига 2:1 кўринишида ғалаба қозонди. 

Айниқса, Альба томонидан киритилган чиройли гол ўйинга мантиқий якун ясади. Эътиборни тортадиган яна бир жиҳат эса, айнан 2-голга жамоа сардори Лионель Месси ассистентлик қилди. 

Шу тариқа, майамиликлар илк босқични ғалаба билан бошлаб олишди.